Velkommen til Sykkylven kulturskule
Sykkylven kulturskule er ein kommunal kunstskule med musikk, dans, teater og visuell kunst.
Skulen vart oppretta i 1978 og har i dag 12 lærarar og omlag 230 elevar. Skulen flytta hausten 2023 inn i heilt nye og tilpassa lokaler ved Aure Barneskule. Her har vi all undervisning utanom dans, som held til på Sykkylven kulturhus.
Skulen gir også tilbodet «Blås i skulen» til alle 3.klassingane i grunnskulen.
Vil du ha plass frå skulestart må du søke før 10. juni.
MEN du kan søke plass gjennom heile skuleåret, og vi set deg på venteliste til det dukkar opp ein ledig elevplass.
DU som har ein elevplass må også huske å reregistrere deg for eit nytt skuleår innan 10.juni.
Sykkylven kulturskule vil vere eit ressurs- og kompetansesenter som fremjer skaparglede gjennom kunst og kultur. Kulturskulen skal gi opplæring av høg fagleg og pedagogisk kvalitet til alle born og unge som ynskjer det. Formålet med opplæringa er å lære, oppleve, skape og formidle kulturelle og kunstneriske uttrykk. Kulturskulen opererer i nært samarbeid med lokalt kulturliv, og er ein sentral del av den samanhengande utdanningslinja som kan kvalifisere elevar med særleg interesse og motivasjon til opptak i høgare kunstfagleg utdanning. Opplæringa skal gi barn og unge danning, fremje respekt for andre kulturar, bevisstgjere eigen identitet, bli kritisk reflekterande og utvikle eigen livskompetanse.